Koi ndok... koi ndok...
Koi kabo koi ndok
Koi ndok jugek.
Aok kabolah bangmende pun
Mengkaghaklah aok
Koi dah putuih cakak
Dah abih sughoh.
Aok tak payoh bedolok dalih
Besilat lidoh itu ini
Koi maklung ngat dah
Mengkala betingkoh haje
Ngulor je aok beghayat
Tak dek mendelah
Tak embohlah te.
Koi tak noleh dah
Peghahu dah de air
Pengayoh dah koi kilik
Aok toksoh beghikei
Wala galang aok sepemeluk
Belat aok sepenampang
Sekilaih angin pun
Tak nolok koi ke belakang.
Mengkala koi dah ndok
Koi ndok jugek.
Tinta Jiwa
Suria Amani
November 2013
