JENAZOH CINTE

Ghodong...
Tak mudoh koi nok lupe

Senyung megoh aok kemaghin

Mandang sekujo jasaid cinte kite

Kaku takdek bernyawe

Aok empaih de kaki koi

Pade dade die ander lagi tepacok pisa aok te

Sudohnye aok tinggae koi

Keghi koi mase te.

Ghodong...

Koi nok tanang jenazoh cinte kite te

Koi nok tabo bunge ataih kubo

Tak kose koi bongko semule

Biolah die ghepuit

Toksohlah aok datang semule

Enjengok kubo bedaghoh ni

Sebak aok jugek dulu hak nyeksenye

Aok bunoh die

Mase die elok lagi benapaih dalang ati koi ni.

Ghodong...

Kalalah satu haghi sok

Aok teghingin nok kemaghi

Koi tak benokan aok datang dekait kubo te

Padan aok mandang daghi jauh jelah

Ander sebatang pokok kemboje

Hak sokmo wangi kala pepagi

Meghebok uko masok ke liang lahaid cinte kite

Biorlah jenazoh cinte kite ghepuit

Ket wangi sokmo nyalang ke ini.

Tinta Jiwa Suria Amani

1988